* * *
الخميس, 26 اكتوبر, 2006
شو بحبك
وشو الصبح بلا بوسة شفافك
ودلع وردة خدودك
انت دفا عمري
وحسّ نهدك عا دقات قلبي
يغويني
وينادي عليّ ت يغزل هوى
وهمّسك بيمّسح همومي وتعبي
وأنا بزيت اللوز بمسّد دلالك
وبعطر العود بحسس الصبح
بلكي ما كفّى الحلو تعب الصبح
. . .
بروح . . .
بجن . . .
بايد تغزل هاالشعر
بغمّض عين عاغفلة
بيفرفح قلبي بحلم
يحكي عشق وغرام
يحكي يوم كنا زوّار
عاغفلة نعمل فرح
ونسمات ما تنام
تنطر نشوة حب
تاخد عطرنا لغفلة عمر
وتولّع بخور عا ذكرنا
بلّكي بيطيب صباحو وبيغّفر كل الخطي
. . .
بروح . . .
بجن . . .
بايد تمشط هاالشعر
ترسم هالأنامل رقة أد
من سرّة العشق
لدروب الندى
وحكي بيجر الحكي
من لمَ بيرن هالجرس
لآخر غمضة رمش
وبيغفى الحلو . . .
عمّ نحكي قصص وخبريات
. . .
ياهمّ روح بعّد عن حبيبي
هو الروح
وهو العشق
وغير بوساتو ماطيبو العمر
ولاشرّدوا هالقلب
هو التعب الحلو
هو أكتر من أكتر تعب
أضف تعليقا
اضيف في 12 فبراير, 2007 11:36 ص , من قبل quasaydon
من لإمارات العربية المتحدة
من لإمارات العربية المتحدة
والله ماعم اعرف اسمك بالعربي شو يعني النود 19 ... شكرا لمرورك اللطيف
وبحب اقولك .. اذا كان الواحد اناني .. فهذا سبب لنعرف شو عندو ... ومانظلمه بتجاهلنا الو ...
دمت ...
أضف تعليقا
<<الصفحة الرئيسية
من الكويت
روووووووعه
حبيت اسجل اعجابي