اضيف في 31 يناير, 2007 02:58 م , من قبل hagacity
من السويد

الصديق العزيز
مبروك المدونه
مزيد من الابداع
مع تحياتى يوسف

اضيف في 02 فبراير, 2007 01:30 ص , من قبل ســـــــــــــــديم
من المملكة العربية السعودية

هدير أسلحة تفوق الخدعة . .

تعود لمسمع صياد أصمّ . .

أنغام معركة صغيرة قرب الأرجوحة

يوم كان للملك رهان . . .



كان رائعا في التصوير أشكرك على وجودك في مدونتي التي قادتني الى هذا القلم الرائع .......

اضيف في 03 فبراير, 2007 07:48 م , من قبل raoiah
من المملكة العربية السعودية

..
.
جوزيف ..

رائعه ماخطه قلبك لنـا ..

شكراً لدعوتي لهذه الرائعه .
.
..

اضيف في 03 فبراير, 2007 07:50 م , من قبل raoiah
من المملكة العربية السعودية

..
.
مساءك ورد ..

معزوفه جميله أخذتني الى بعيد الخيال ..

رائع .
.
..

اضيف في 07 فبراير, 2007 01:29 م , من قبل هاله
من الكويت

قلم رائع ينثر الروائع حقا

تعبير وتجسيد لا يجيده سوى قلمكـ

سلم القلم وراعيه

كون بخير

هاله

اضيف في 08 فبراير, 2007 11:03 م , من قبل shahrazad30

حرب ..
وسلاح...
وخنادق...
وهناك بريق امل يلوح في افق الحياة...
اشكرك ...
دمت للشعر مرفئ
شهرزاد

اضيف في 09 فبراير, 2007 08:28 ص , من قبل quasaydon
من لإمارات العربية المتحدة

ياشهر زاد ..شو بدي خبرك هادا الأمل موجود هلق لانو بعدنا في الجزء الأول من القصيدة -حرب جميلة-طولي بالك للجزء التاني وشوفي ..
بعدين ماتنسي الأميرة اللي عشانها عم نعمل هالحرب اللي الله يقدرنا ونبييض الوجه فيها ...
شكرا

اضيف في 09 فبراير, 2007 08:33 ص , من قبل quasaydon
من لإمارات العربية المتحدة

هالة ... انا حزين احيانا..مابعرف الفرق بين الاشياء وهذا بخليني بحيرة دائمة.
شو الفرق بين الرائع والغير رائع اذا ماحدا يقرأ ..
عم اشعر هالأيام انو البطولة فيمن يقرأ
والله القراءة بدها صبر الله لنعرف واحدنا شوعم يكتب ..
كلك ذوق بمرورك ...

اضيف في 09 فبراير, 2007 08:38 ص , من قبل quasaydon
من لإمارات العربية المتحدة

كيفك ياراوية.. وينك هالأيام ..
انا عم اكتب تعليقات عندك ... بس ليش ماعم توافقي عليها ...
الهدوء حلو احيانا .. بس مو عطول الخط

اضيف في 09 فبراير, 2007 08:41 ص , من قبل quasaydon
من لإمارات العربية المتحدة

في اي خدعة عايشين ياسديم ... الصورة اللي كتبتيها ... هادا ذوق خطير في القراءة ... أتمنى مايخيب ظنك في الجزء التاني ..

اضيف في 09 فبراير, 2007 08:43 ص , من قبل quasaydon
من لإمارات العربية المتحدة

يوسف ... كيفك
وين متخبي من زمان ...
شو عم تسوي بالسويد ياأخي والله العيشة مملة عندكم ..
تعى لهون عالشمس ..
ماسمعت فيروز بتقلك ... طلعوا عالشمس
طلعوا عالريح ...
ياحرية يازهرة نارية ...

اضيف في 09 فبراير, 2007 01:37 م , من قبل محمد خضير
من لإمارات العربية المتحدة

جئت كي أخوض حربك الجميلة معك ،
وأسترق السمع كصيادك الأصم ،
لكنك مثلي .. تهوى حروب الكلام !

اضيف في 09 فبراير, 2007 03:28 م , من قبل سارة مطر
من المملكة العربية السعودية

ايها الشاعر الجميل..

قصيدتك تحتاج للقراءة اكثر من مرة ..

جميلة حد أن رفعت حاجبي.. لكن لم يعجبني

المقطع الشعري الذي ذكرت به السحلية..

وجودها قلل من شاعرية ورمزية القصيدة..

هذا رأي والقصيدة أو النص الشعري يستحق القراءة

اضيف في 09 فبراير, 2007 07:45 م , من قبل ibnatlass
من المغرب

يسرني أن أحط الرحال بمدونك لأرتع من معين نصوصها
و استفيد من بديع مقالتها و حسن معانيها و تراكبها...
فهنيئا لك ما حباك الله به
من جميل الإبداع
و سلاسة الأسلوب
ورونق التعبير
و حسن الشكل و المنظر.
أخوك في الله
ابن الأطلس

اضيف في 10 فبراير, 2007 07:59 م , من قبل Bella7

بادئة الفجر خمسة قتلى

يفترشون قارعة الشارع

أخال بين قتلاي

ياسمينا وروح سلام

وهنا هرّة منغولية

تشهد أنك قاتل

وتشهد كيف قتلت بدم بارد
أميرة غافية
قبل الحلم

إسمحلي أن أضيف هذة الكلمات إلى دفترحياتي قسم من أروع ما قرأت

اضيف في 11 فبراير, 2007 06:12 م , من قبل quasaydon
من لإمارات العربية المتحدة

الأخ محمد خضير ... وهو في أحلى من حروب الحب ... يعني انا أقبل الحرب .. بس نضل صحاب .. وشكرا لقراءتك ..

اضيف في 11 فبراير, 2007 06:15 م , من قبل quasaydon
من لإمارات العربية المتحدة

سارة الكريمة ... شو بدي اقولك .. مهو السحلية هذه هي أصل المشكلة وهي اللي رح نعلق بظهرها سبب الحرب لأنو بتغير لونها وين مامشيت ... وهادا رح يبين في الجزء التاني من الحرب ..

اضيف في 11 فبراير, 2007 06:17 م , من قبل quasaydon
من لإمارات العربية المتحدة

اهلين فيك يا ابن اطلس ...

اضيف في 11 فبراير, 2007 06:19 م , من قبل quasaydon
من لإمارات العربية المتحدة

يابيلا باينتك قارءة خطيرة ... لازم اعمل حسابي من اليوم ورايح ... الحاكم عم تلقطي مفصاصل بتوجع ...
بتمنى ماتتفاجئي بالقسم التاني من الحرب الجميلة ...

اضيف في 11 فبراير, 2007 06:19 م , من قبل quasaydon
من لإمارات العربية المتحدة

يابيلا باينتك قارءة خطيرة ... لازم اعمل حسابي من اليوم ورايح ... الحاكم عم تلقطي مفصاصل بتوجع ...
بتمنى ماتتفاجئي بالقسم التاني من الحرب الجميلة ...

اضيف في 11 فبراير, 2007 06:42 م , من قبل manaleglasise
من مصر

جوزيف ابة دة حرب اسلحة موت سيوف انت من وين اياك تكون من العراق او تارفور
الحياة حلوة .....بس نفهمها

اضيف في 11 فبراير, 2007 11:23 م , من قبل souadsaleh

اخي العزيز.....
رتئع انت بهذه الاسلحة و الحرب الرهيبة...
دمت مبدعا.
أتعرف لماذا انا هنا....
أود ان اسالك ههههه
لماذا تركت مدونتي الاصلية و رحت للخاصة بالنساء هههههه
لهذا معدرة منك اخي
أختك سعاد
اتمنى تواصلا فيما يحب الله و يرضيه

اضيف في 12 فبراير, 2007 11:17 ص , من قبل quasaydon
من لإمارات العربية المتحدة

انا من جنوب افريقيا وهذه هي الجنسية التي اخترتها لنفسي بارادتي .. يعني ماحد أعطاني اياها .. وماتنسي الحرب في العراق ودارفور بشعة كتير ولاتوصف شو ماعملنا ... انا بحكي عن حرب حلوة ...
عمرك سمعت فيها ...

اضيف في 12 فبراير, 2007 11:27 ص , من قبل quasaydon
من لإمارات العربية المتحدة

بالنسبة لمدونتك الأصلية والله مابتذكر عنوانها .. والحقيقة لما بزور مدونة غالبا بترك تعليق على اللي قرأته ..
واذا رجعت مرة تانية ومالقيت تعليقي اللي كتبته ... عمليا بزعل ... لانه بيكفينا منع ورقابة ...
ورحت للمدونة الخاصة بالنساء ... لأنني بدخل لكل مدونة وخصوصي اذا كان بايين انها بتعود لبنت ... يعني اجمالا حسب طبيعة البشر ... بتوقع طبيعي الرجل يهتم بالانثى .. اذا كانت معتبرة حالها انثى .. وفيك تقرأي كل قصائدي مافي وحدة منهم عم اتغزل فيها برجال مثلا ..
يعني مابظن ان رأي المختلف قد يغير من طبيعة العالم ...

اضيف في 12 فبراير, 2007 02:58 م , من قبل souadsaleh

اخي العزيز.....
مزحت معك وي لقيتك عسل و الله عسل.....
بس بدي اياك تترك لي تعليق بمدونتي حتى يتم التواصل بينا....
وي ما تزعل كان قصدي مزح...لانو فيه يوسف كمان زارها...
يا سيدي هي للجميع وي الف اهلا وي سهلا...
اختك سعاد

اضيف في 12 فبراير, 2007 04:36 م , من قبل soulvoice
من لإمارات العربية المتحدة

سجلني متابعه شغوفة بجديد حروبك...!!

اضيف في 12 فبراير, 2007 09:00 م , من قبل Bella7

فكره حلوه جوزيف
طالع على بالي أقراء ليك شعر تتغزل فيها برجال !!!
أكيد بمزح

اضيف في 13 فبراير, 2007 09:44 ص , من قبل quasaydon
من لإمارات العربية المتحدة

شو بدي الك ياسعاد وهو في احلى من المزح يعني مابكفينا هم وغم...
انا زرت مدونتك اكثر من مرة ...
والحقيقة لمن اقرأ التعليقات ...بتردد بترك شي خبرية .. لأن الرياح تمشي بما لاتشتهي السفن..
ولكن لاتتسرعي بالرد على تعليقي عندك .
لأنو تعليقي هو بيكون للفت النظر ..
وعقبال مزحة تانية ..

اضيف في 13 فبراير, 2007 09:48 ص , من قبل quasaydon
من لإمارات العربية المتحدة

حلو الاسم صوت الروح ... بس انا أكيد اللي ورا هالاسم أحلى ...
أشكر قراءتك .. وبتمنى مايروح شغفك هباء منثورا مع سراديب النت بالجزء التاني من الحرب الجميلة ...
على فكرة ..بالنسبةالي بحب أعرف النسبة
مثلا أنا شغوف بالسفر 4.5 % ..

اضيف في 13 فبراير, 2007 09:53 ص , من قبل quasaydon
من لإمارات العربية المتحدة

بيلا والله حيرتيني ... كيف ربطتي لويس فيغو ب بيلا وفوق هيك 7 شو عم تتحزري علينا .. الله عليك ... ماطبعا عم اتغزل بزلمة ... ماهادا القاتل ابن الحرام زلمة .. ياجماعة .. وقتل الأميرة ..
يعني في حرب عن جد مش مزح ..
وانا تاركيني لحالي بهالورطة ... طب سألوني اذا بدي مساعدة .. والله تعبت ..

اضيف في 14 فبراير, 2007 03:07 ص , من قبل Bella7

شو الرابط ببيلا وفيقو
بيلا إسم إيطالي ومعناة حسناء ولويس فيقو رقمة بفريق الإنترميلان 7 وبالبرتغال 7
وشودخل فيقو باسمي الأنة كتير كتير حنون أحن رجل في الوجود .
وهذا حل اللغز حسناء فيقو –بيلا7
أمابخصوص إنك عم تتغزل بزلمة والله كنت عم بمزح معك ماتزعل فاهمة القصيدة...
ثانيا إنت ورطت حالك بهاالقصيدة وبدك إتورطنا معك ..إذابدك مساعدة أنا موجودة أنا هكتب الجزء الثاني من الحرب الجميلة ماتعب حالك .

اضيف في 14 فبراير, 2007 10:26 م , من قبل quasaydon
من لإمارات العربية المتحدة

مشكورة يابيلا ...هاتي لحقيني بالجزء التاني لشوف كيف بدي اطلع من هالورطة..
وشكرا لحل اللغز ...

اضيف في 15 فبراير, 2007 01:33 م , من قبل lailaz

quasaydon

اذا كانت كل هذه الصور الشعرية الجميلة

و الموضوع فيه الحرب, فما بال قصيدة تهرب من مفردات الحرب و السحالي ؟؟؟
ماشاء الله قلمك مطواع لخيالك الذي ينضح مشاعر و صور أكثر من رائعة,بارك الله بك و بقلمك, و اسعدتني زيارتك لمدونتي و اتمنى الا تكون الاخيرة

اضيف في 16 فبراير, 2007 04:59 م , من قبل volcano470

جوزيف

حرب جميله

برغم من ان الحرب ليست جميله

الا ان حربك كانت جميله بكلماتها

فاتنه بمعناها رائعه بكل ما فيها

من ( الواقـــع )

جميل بل اجمل من الجمال

ما خطه قلمك

دمت فى حفظ الله ورعايته

اضيف في 16 فبراير, 2007 11:38 م , من قبل Bella7

ماتعتل هم جوزيف
خلال سنة أو 11 شهر بتكون جاهزة القصيده
وأكيد هتقول مدة جدا قصيرة
ترقبها

اضيف في 17 فبراير, 2007 01:19 م , من قبل quasaydon
من لإمارات العربية المتحدة

lailaz أهلين.. بعد ما قرأت ردك على تعليقي عندك .. فكرت شوي في سوء تفاهم
آسف ... في الحقيقة يبدو قلمي مطواع ولكن .. اجمالا مابتلاقي غير القلام عم تتكسر ... يعني كل قصيدة بدها شي دزينة قلام ... ومشان هيك صرت هلق عم استخدم الكيبورد ...

اضيف في 17 فبراير, 2007 01:24 م , من قبل quasaydon
من لإمارات العربية المتحدة

ايها الواقع الجميل ...أمل ألا يخيب ظنك في الجزء الثاني من الحرب الجميلة ..
فدائما تعرف الأمور بخواتيمها ...

اضيف في 17 فبراير, 2007 01:28 م , من قبل quasaydon
من لإمارات العربية المتحدة

بيلا ... طيب بصير الواحد يوعد بالمساعدة ... وبعدين يهرب ...
معليش سماح ... انا خلصت الجزء التاني .. وهو بحاجة لشوية مراجعة ...
واكيد من هون لسنة الا نقرالك شي مشاركة .. نو بروبلم ...

اضيف في 18 فبراير, 2007 03:33 م , من قبل ســـــــــــــديم
من المملكة العربية السعودية

جوزيف ... انا انتظر باقي القصيده الحربيه والتي انتهت بأنغام المعركة الصغيرة :) .. اعتقد بانها سوف تكون معركة داميه وكبيرة بين جبلين === بدأت اتخيل الجزء الثاني

اضيف في 18 فبراير, 2007 07:42 م , من قبل quasaydon
من لإمارات العربية المتحدة

جزاك الله خير ياسديم .. مهو انا ناطر حدا يسألني على الجزء التاني ...
جبرت بخاطري الله يجبرك...
ما أنا حابب الواحد يجرب يتخيل شو معقول يصير بنهاية المعركة ويخبرني .. عشان ممكن نغير السيناريو اذا في شي فكرة خطيرة .. بتساعدنا ناخد بثأر الأميرة اللي راحت بشربة مي وما حدا سأل عليها ...

اضيف في 18 فبراير, 2007 07:54 م , من قبل 15071989
من المغرب

السلام عليكم....راقت لي كلماتك و انتشت بها مشاعر في طور الدبول تستغيث و تنادي على أصحاب الأحاسيس الرقيقة فهل من مغيث؟
www.15071989.jeeran.com

اضيف في 18 فبراير, 2007 07:55 م , من قبل lailaz

و لا يهمك لا سوء تفاهم و لا يحزنون.
بس عدم المؤاخذة أحيانا أنا فيوزات مخي بتكنتك فالسالب بيصير موجب و العكس صحيح. و يعني من الاخر فيك تقرا البوست على مدونتي و تعرف اني مجنونة دائما و عاقلة فيما ندر.
على فكرة ما في مشكلة بالاقلام و الكيبوردات اذا هيك كتابتك, فكسر قد ما بدك اقلام و حتى كيبوردات, المكسب معنا اذا حنقرا هيك كلام حلو

اضيف في 18 فبراير, 2007 10:35 م , من قبل Bassam Badri
من فلسطين

أخي جوزيف :

مدونتك مشوقة .. وتصويراتك التي تستخدمها رائعة جداً ..

وحبيت أزورك حتى أتعرف على مدونتك ونكون على تواصل ..

بسام البدري

اضيف في 19 فبراير, 2007 07:14 ص , من قبل quasaydon
من لإمارات العربية المتحدة

ايها الشاعر المغربي وين وجدت الكلمات الرقيقة ... مانك شايف الحرب اللي دايرة بين ثنايا القصيدة ...والجريمة النكراء اللي صارت .. وماحدا شايف شي من شي ...

اضيف في 19 فبراير, 2007 07:20 ص , من قبل quasaydon
من لإمارات العربية المتحدة

lailaz انت مش مجنونة انت دوا بينحط على الجرح بيطيب ... بس تس لاتتعصبي كتير
يعني الجنون بيتفق مع الحرية ولو كانت افكارنا مختلفة ومابتعبر عن نفس الهواجس
شي يوم وانت ماشية بجانب نهر بردى ...
ما يسمى نهر بردى سابقا .. شو مشاعرك
وانت عم تشوفي هالموت الكئيب لمظاهر الحياة ....

اضيف في 19 فبراير, 2007 07:24 ص , من قبل quasaydon
من لإمارات العربية المتحدة

بسام كيفك ...يامناضل .. بتمنى انك تكون مع الحرية .. وضد الارهاب وين ما كان وكيف ما كان ... الحياة تستحق النضال ..

اضيف في 19 فبراير, 2007 12:13 م , من قبل sama77
من فلسطين

لا يستهويني الشعر الحديث كثيراً لكني أحببت هذه القصيدة بعيداً عن شاعريتها و تركيبتها و مدى ملائمة كلماتها.. أحسست أنها قريبة مني فأنا لم أقرأ كلماتها بقدر ما قرات أفكارها و مشاعرها...

اضيف في 19 فبراير, 2007 12:21 م , من قبل ميس
من سوريا

حرب جميلة .....وهل هناك حروب يمكن ان نمدحها !!!! ربما تنقلب موازين الحياة ...موازين القلوب ....لحظة نعشق فيها تغير فينا وفي أعمارنا الكثير الكثير من الأفكار...وفي حروبنا الباردة ...تتّقد الحياة

تحياتي

اضيف في 19 فبراير, 2007 05:26 م , من قبل quasaydon
من لإمارات العربية المتحدة

أهلين sama77 هو صعب الواحد يحب الشعر الحديث وخصوصي متل هالقصيدة اللي عم تدور على فكرة .. ومش عارفة كيف بدها تشبكها وتحبكها .. انشاالله الفكرة وصلت مع انو الجزء التاني رح يضع الأمور في نصابها...

اضيف في 19 فبراير, 2007 05:32 م , من قبل quasaydon
من لإمارات العربية المتحدة

ميس كيفك ... زعلتيني منك هالمرة ..
مع اني مبسوط لوجودك ...
لاتستعجلي القراءة ... شوي .. شوي
بعدين بتظلميني متل مابتظلمي قصائدك ..
انشاالله بتتمة الجزء الثاني من الحرب الجميلة تتضح الأمور .. ومنشوف اميرتنا بخير ... بعد ما ماتت وهي نايمة قبل الحلم..
شكرا لوجودك ...

اضيف في 19 فبراير, 2007 05:39 م , من قبل quasaydon
من لإمارات العربية المتحدة

soul voice .. شو هالحكي مش رح ازورك بعد اليوم ... ولا اتفرج على صورك ..
ولا اكتبلك تعليق .. حتى الصوت له صدى
وين تخبيتي ...

اضيف في 19 فبراير, 2007 06:22 م , من قبل lailaz

quasaydon

أليس التعصب جنون؟؟
أنا معك بان الجنون هو الحرية, و لكن هناك فرق بين حرية المجنون, و بين جنون الحر. فحرية المجنون لا يوجد فيها ابداع, فمثلا عندما ترى أحدا في الشارع و قد نكش شعره و تنازل عن بعض من ملابسه و امسك بيده مسدس بلاستيك طبعا و يفاجئ الناس و كأنه يريد اطلاق النار عليهم و يضايق هذا و يعتدي على ذاك, فنحن نتركه و نقول مجنون الله يعينه, و نتابع قولنا بالقول : ليش اهله هيك تاركينه يسوح بالشوارع و يرمي بلاه عالعباد. و هنا اكبر دليل ان حرية هذا المجنون حرية مؤذية له و لغيره.
أما جنون الحر فهنا يكمن الابداع, فكم من الاحرار الذي عندما خضعوا للجنون بشكل حر و طوعي, أتحفونا بكل ما للكلمة من معنى, سواء كان شعرا او أدبا أو رسماً أو أي نوع من انواع الفنون, التي تتوائم مع المثل القائل : الجنون فنون.
أما عن نهر بردى , فأنا فهمت شو قصدك, و لكن أنا أرى نهر بردى بعيني الشاعر الذي قال : سلاما من صبا بردى أرق , و دمع لا يكفكف يا دمشق, و ما ان أمشي بقرب النهر و اردد هذا البيت حتى اسمع هدير مياه بردى و هي تخترق بيوتات الشام القديمة و أرى الاشجار التي تنحني لتشرب من النهر و و و غيرها من الصور التي علقت بمخيلتي عن بردى مع كل اسف من خلال القراءة فقط, لأنني لو رأيته بعيون الواقع التي هي غير قادرة على استرجاع الجمال الذي ولى على أيدينا نحن, لكنت ما ان أرى النهر حتى سيختل توازني و أهوي في النهر كما هوى غوار بالبحر على أم رأسه ,عندما كان يبحث عن الكرسي اللي فيه المصاري الاسترليني. ههههههههه
يا أخي
لولا الخيال و التعصب لما هو جميل بداخلنا و العيش على امل بأن الامل لا بد ان يعود ,لما كان لنا قدرة على متابعة الحياااة.

اضيف في 20 فبراير, 2007 02:05 ص , من قبل Bella7

هاي جوزيف
أنا عتبانة عليك كتير..كتير كيف بتقول إني وعدتك وهربت لكن برافو طلعت أشطر مني و خلصتها
أنتظر القصيدة بفارغ الصبر
بدك فكرة خطيرة لكن أنا هقولك فكرة بشكل عام
تكون البداية غامضه وبعدين.. مفاجئة وبعدها نرجع للغموض وبعدين يصير شي ما فية أحد بيتوقعه .
بتعقدني القصائد لما بتكون بها الطريقة مثل الجزء الأول كثير حبيت الفكرة و فاجئني وجود الأميرة.
والعنوان الحرب الجميلة بيخليك تفكر من إمتى الحروب بتكون جميلة وبحس بينجح القصيدة من وجهة نظري العنوان لما بيكون غامض يجذب الكثير من القراء
ما تتأخر علينا بالجزء الثاني.

اضيف في 20 فبراير, 2007 09:40 ص , من قبل nisreena79

عزيزي جوزيف
تصويرك للحرب والمعركة في غاية الجمال والروعة
عرفت كيف تختار كلماتك بدقة وعناية لتنسج حربا باردة حامية على نار من ذهب

رائع هو قلمك يا عزيزي

دمت بكل الود

اضيف في 20 فبراير, 2007 11:33 ص , من قبل arec34
من المغرب

السلام عليكم ورحمة الله تعالى وبركاته
أحييك على حركيتك ونشاطتك التدويني المميز.
أدعوك وادعو كل زوار مدونتك الرائعة، وعموم المدونين إلى الإنخراط معنا في المساهمة في بناء مسجد للمسلمين بلندن وكذلك للتصويت على شخصية الرسول الكريم محمد صلى الله عليه وسلم
المرجو من الكل المشاركة في الاستطلاع، فهذا التصويت يساعد على تقريب شخصية النبي محمد من الشعوب الناطقة بالإسبانية.

للمزيد من المعلومات زوروا موقعنا الإلكتروني :www.arec34.jeeran.com
انشرها حتى ولو لإثنين من أصدقائك ولك الأجر
وفقك الله

اضيف في 20 فبراير, 2007 06:13 م , من قبل quasaydon
من لإمارات العربية المتحدة

lailaz كنت عم فكر اذا منقدر نصنع الأمل .. الحياة .. الحب ...
لأن كلشي حولينا عم يحولنا لمجرد ارقام بلا معنى ... على غرار الغنم ...
مشان هيك نعم للجنون ... ونعم لكسر القوقعة اللي عم يحطوا عقلنا فيها ..
ولا لثقافة الغنم والماعز ...

اضيف في 20 فبراير, 2007 06:21 م , من قبل quasaydon
من لإمارات العربية المتحدة

بيلا وينك يابنت ... من زمان ماسمعت حسك .. فكرت انو فركتيها قبل مايوصل القاتل لعندك الحاكم هادا مجرم خطير وبحب يقتل الأميرات الحلوات .. وخاصة اذا ان اسمها على نفس المسمى يعني متلك ... بلك ماعرف انو هاد اسم مستعار .. انتبهي منه .. لانو في الجزء التاني رح يضل حر وماحدا رح يقدر عليه ...
اجمالا ... اذا قرأت وماعجبك .. اكتبيلي ثلاث نقط بس ...
وبعدين عجبتني فكرة السيسبنس في الحبكة اللي طرحتيها يعن خرج سيناريو بوليسي ..

اضيف في 20 فبراير, 2007 06:27 م , من قبل quasaydon
من لإمارات العربية المتحدة

nisreena79 والله ماشفت اقل من عقل الرجال ... بيرحوا عالحرب متحمسين للنصر
بيموتوا وبينعطبوا وبيتشوهوا ولما بيرجع بعضهم ... يعني اللي بيضل عيش
بيحتفلوا انو ضلوا عايشين ...
شو هالحماس اللي بتشعله الحرب في النفوس
والله الجمال حلو ... ومشان هيك عم احاول أعمل حرب حلوة ..
شكرا لقراءتك ...

اضيف في 20 فبراير, 2007 06:30 م , من قبل quasaydon
من لإمارات العربية المتحدة

arec34 اكيد ياصديقي ... موبس ح صوت كمان ح ابعت كم صندوق من صناديق الانتخابات عنا ... هدول حرزانين ...
ياريت تصويت لبناء كم مدرسة محو امية لشعبنا الفقير ...

اضيف في 22 فبراير, 2007 01:06 ص , من قبل Bella7

ماتخاف علي يا جوزيف الحمد الله عرفت مين القاتل ووزعت صوره عالكل ومافيه أحد إلى صاير بيعرف مين القاتل بمعنى أنا بأمان..وماتحاول تسألني مين القاتل لاني ماراح خبرك إن القاتل إسمه جوزيف مخائيل.ما بقدر أسرب أي معلومات .. ماتحاول رجاءً لان المعلومات حول هوية القاتل كتير سرية وأي تسرب للمعلومات بيهدد القصيدة .

اضيف في 22 فبراير, 2007 08:29 ص , من قبل quasaydon
من لإمارات العربية المتحدة

ياعيني عليك هلق وصلتي ...بأي فرع (أمن)
عم تشتغلي ... ما تخبرينا من زمان يابنت الحلال ماكنا تورطنا هالورطة..
بس اليوم انا رح أكفي الحرب ..وأفركها.. وماعاد خلي النمل الأبيض يعرف وين أنا ...

اضيف في 22 فبراير, 2007 09:57 ص , من قبل nisreena79

عزيزي جوزيف
ها قد عدت ثانية لهنا لاقول لك شكرا لانك اول من عرف وادرك ما اعنيه بقصيدتي " الى قاتلي "

بجد رائع

لك تحياتي

اضيف في 22 فبراير, 2007 03:10 م , من قبل quasaydon
من لإمارات العربية المتحدة

nisreena79 بس هادا سرّ ... ماتخبري حدا
لأنو الناس بتقرا شي وبتفهم شي تاني
وبتعمل شي تالت ... ومافي مصيبة اكبر من قارىء أمي ...
يخليك منورة ...

اضيف في 23 فبراير, 2007 09:00 م , من قبل Bella7

FBI

اضيف في 24 فبراير, 2007 10:37 ص , من قبل quasaydon
من لإمارات العربية المتحدة

لا .. لا .. انا مابقبل يابيلا هادا فرع مابيخوف .. بدنا شي واحد من اللي عنا .. هدول حرزانين .. يخزي العين...

اضيف في 27 فبراير, 2007 02:24 ص , من قبل Bella7

شو ماتقبل.... بدك تتخلص مني
لوقولتلك على فرع خايفة يستضيفوني عندهم..........
صباح ـك وطن.

اضيف في 27 فبراير, 2007 09:57 ص , من قبل quasaydon
من لإمارات العربية المتحدة

bella7 هادا سر بيناتنا ...
اكتبي الأسم بالمكسيكي .. هدول مايعرفوا
يقروا مكسيكي ...

اضيف في 27 فبراير, 2007 09:58 ص , من قبل quasaydon
من لإمارات العربية المتحدة

bella7 هادا سر بيناتنا ...
اكتبي الأسم بالمكسيكي .. هدول مايعرفوا
يقروا مكسيكي ...

اضيف في 27 فبراير, 2007 10:40 م , من قبل Bella7

Peligro


Estacion policia

اضيف في 28 فبراير, 2007 08:52 ص , من قبل quasaydon
من لإمارات العربية المتحدة

bella7 بيليغرو بوليسيا ...
لحد هون وصلت ... ما من أول شي قولي هالحكي .. طلعنا صحاب ...
بس ماتكون مسبّة هاي وماني عرفان ...

اضيف في 01 مارس, 2007 03:11 ص , من قبل Bella7

طيب ليه قولت لي أكتبيها بالمكسيكي إذا إنت مابتعرف تقراء مكسيكي..
وماراح أقولك إذا كانت مسبه أو مو مسبه.

اضيف في 01 مارس, 2007 10:14 ص , من قبل quasaydon
من لإمارات العربية المتحدة

bella7 انت عم تحرجيني ... يعني اذا بتعرفي تلعبي طاولة زهر .. فانت زركتيني
بخانة اليك ...
هادا ياستي درجت الموضة في بعض المحطات اللبنانية على دبلجة المسلسلات المكسيكية
وعرضها بكثرة واكتر من مرة في اليوم
ولما كانت الدبلجة باللغة العربية الفصحى فقد اعتقد بعض الأطفال الأذكياء المتابعين لهذه المسلسلات انهم اتقنوا المكسيكية بطلاقة ... وصار الواحد لما بدو شي من امه يحكيها فصحى واذا ردّت عليه بالعامية مثلا .. حلّ عني روح لعاب .. يجاوبها لماذا لاتتكلمين المكسيكية
ياأمي ...

اضيف في 01 مارس, 2007 12:15 م , من قبل Bella7

الحلقة رقم 16099
ماقبل الأخيرة

أنها ليست شتيمة يا أليخاندرو أقصد ياجوزيف

Peligro هذة معناها – خطر –
Estacion policia وهذة - نقطة الشرطة -

هل تفهم لغتي المكسيكية الان ؟

كتير بكره المسلسلات المكسيكية نفس القصة في كل المسلسلات
وكتير.................................... طويله

وشوبتمنى من زمان إتعلم ألعب طاولة زهر

وهالكلمات جديدة علي باللبناني مافهمتها
(فانت زركتيني
بخانة اليك ...)

اضيف في 02 مارس, 2007 07:45 م , من قبل jimmy3
من لبنان

عزيزي انا سعيد جداً أنو لاقيتك صار قلي شهر بنبش عليك

اضيف في 06 مارس, 2007 03:36 م , من قبل quasaydon
من لإمارات العربية المتحدة

jemmy3 وانا سعيد بيك .. بس ليش مابقدر ادخل على مدونتك ...
هي مغلقة والا في طريقة تانية ممكن ادخل فيها .. وشكرا ..

اضيف في 06 مارس, 2007 03:45 م , من قبل quasaydon
من لإمارات العربية المتحدة

نحنا عنا كل مايطلع مسلسك مكسيكي ...
بيصير اسم تلات ارباع المواليد الجدد على اسم بطلة وبطل المسلسل .. خصوصي اذا كانوا حلوين ... في مرة كان اسم بطلة المسلسل مارسيدس ...
وتخيلي كم بنت سموها أهلها مارسيدس ..
وصار الواحد اذا بيحكي في مكان ما ما عاد يعرف شو المقصود السيارة والا البنت ...
وهاي زركتيني بخانة اليك هاي شامية ..
زركتيني يعني متل حبستيني خانة اليك يعني المكان اللي بتوضع فيه احجار الطاولة وال مكان يقال له خانة اليك لأنو اللعبة يمكن من ايران بالأصل واليك يعني الواحد ... وفي اللعبة اذا واحد انمسك بخانة اليك ... اجمالا يعتبر خسران البرتية .. يعني خمسة أدوار من الجولات ...