سكر بنات ... فيلم ل نادين لبكي ... فيلم لبناني ... من شارة الفيلم التي تبدأ بتصوير عملية تحضير الكراميل الذي يستخدم في صالونات التجميل النسائية ... كنت أحيانا وأنا بين الذاكرة والحلم أستغرب هذه التجربة التي تتكرر بين وقت وآخر بسرية مشوبة بالضحك مع أختي وصديقاتها ... المهم أن الفيلم حلو ومهضوم من النوع المحبب لأصحاب السيما الاجتماعية ... لفت انتباهي كثافة الحضور ... وللحقيقة لم استطع حضور الفيلم يوم أمس الاثنين .. حيث حضر الكثيرين جلوسا بين الممرات ... ورغم ان اليوم كان للفيلم عرضين متتاليين في سينما الكندي .. فقد نفذت البطاقات وتجمع الكثيرين أمام السينما ... طبعا لم يحظ فيلم آخر بهذا الحضور سوى عرض فيلم خارج التغطية وهو فيلم سوري حيث كان المتجمعين خارج الصالة اكبر من الحضور بمرتين .. هذه السيما وهذه اللهفة ... وهذا الحضور .. استدركني فجأة واقع الحال بين سوريا ولبنان من كم سنة ... وخطر على بالي دعوة الجميع لمشاهدة الفيلمين مع بعض ... ولنكسر حاجز الصمت ... سوف أتأمل بقية حياتي لأحاول معرفة مغزى بناء هذه الأسوار العالية ... ومن يريد أن يختبئ خلف من ... تحية شكر للمخرج عبد اللطيف عبد الحميد ... مخرج ... خارج التغطية ... شكرا" نادين لبكي ... شكرا" يالبنان ...
أضف تعليقا
النا حديث عن خارج التغطية بعدين ..
وانا .. لو محلك اجمالا .. كوني مابحب الرموز .. وكذلك الزمور ... أستقيل من شغلي .. وأنا صريح اجمالا" أتمنى تتحملي صراحتي ... يعني برمز لبلد واحد مش عارف كيف بدي اعمل واسطة .. كيف رمز لبلدين ... هاي شغلة بتخوف ...
بدها واسطة قوية لنحكي معك بشي موضوع ..
انا بعد ماطلعت غنية انا سوري آه يانيالي ... غيرت فكري ... بحبشت هون وهون على النيالي أيام وليالي ... فما وجدتها متل أرخميدس ... يمكن لأن المياه مقطوعة لمن كنت بالبانيو .. مادفشتني بالصدفة دافعة أرخميدس .. والله يمكن دفشتني بس ما شفتها كون مافي كهربا ..
شوبها جنوب افريقيا من شو بتشكي ... والله حبيتها ..
اما الدوا مش مهم منين بيكون ... المهم دوا شي يو ... بعيد العنك مرضلك شي حدا بمرض شو صعب ... سكري مثلا أو شي تاني .. وحياة الغوالي ... الشغلة بدها .. شي ..
من سوريا
من عند افريقيا ما عاد فهمت شيء- يمكن صابتني ضربة كلمة - الحرارة عالية شوي ع راسي
لكن ما سمعت انا سوري أه يا شحاري - يللا مشان تدور ع الشحاري ه المرة وخاصة الشحار مللي الدنيا والعقول
وبعدين اسمع غنية قديمة - حيث انني وبلا فخر من انصار ما قبل الواوا ونانا
وانا ميسو مايسة حبيبتك مش فاكرني يا خيبتك
الغنية بتقول حبيني شوي شوي ع الموضة اللبنانية فنجان قهوة ع بكرة كاس صغير عشية
ودورها دور يللا وعطيني شحطة قبل ما تيجي تجينا الشرطة
جوزف ما بطلع نقطة بحرك رح اهرب
تحياتي
ميساء
لوين بدك تهربي يامسكينة...
ماأنا كل ما بمر من ساحة التحرير
( شوفي هالعظمة تحرير ... وما ادراك بتحرير المقالات والصحف وكمان التقارير ...فكله تحرير وماتنسي تحرير المرأة مثلا"... )يعني اجمالا" بتشائم من هالمجلس اللبناني السوري ... اللي عامل أضرب من مجلس الشعب .. أو مجلس عزاء .. وأحيانا مجلس أولياء الأمور في روضة أزاهير الفرح ..
وغالبا بفكر أعمل .. لحالي طبعا" مشان ماحدا يفهم غلط .. أعمل منولوج مظاهرة ضدّ هالمجلس احتجاجا على احتلاله لهالبناء اللي بعتقد اني أحق بشي غرفة فيه .. كوني بلا سكن وترباية ...
نصيحة خليكي هربانة ولا تردي على التعليق ...
أضف تعليقا
<<الصفحة الرئيسية
من سوريا
ميسا لساك برسائل شفهية هلا صرنا خارج التغطية
هذا ما قلته لي عندما عبرت عن رأي
شعرت ساعتها انني فعلا خارج التغطية؟
بصراحة اكثر فلم اثار استفزازي هو و ليالي ابن اوى وكرهته وانا استشهد به بعد هذا الزمن لكرهي به
عندما قرأت عن خارج التغطية فكرت بذاك الصراع الخفي داخل البطل - فايز- تجاه من حوله
لماذا ابطال هذا المخرج وهم -نحن- برسالة السيما - مشوهين دائما ؟؟
سأرى الفلم رغم كرهي له وسنعود
اما سكر بنات ولبنان فأنا اكثر واحدة تعرف كيف يلعب السكر بالعقول ويعلق على اليدين والشوارب كوني اعمل بمؤسسة رمز للبلدين سوريا ولبنان
على فكرة ترجمة سوريا الشقيقة لدى البعض تعني -الصداع النصفي وجع راس بعيد عنك جوزف - على اساس الدوا من هونيك - من براااا من الشانزيليه مفعوله اسرع وبيطيب
تحياتي
ميساء
لنا عودة
دمت بود