من يوم اعتادت رائحتي لُهاث أنفاسك وأنا أخشى بعض بعضي ... خائف مما بعد... مما قبل... مما بين نهدتين ... أخون إلا قلبي مسامة... مسامة تُغريني من شهوة هنا ورعشة هناك يطيبُ حبك ... وينضج شوق بمراوغة وكمائن .. يا طيب رغبات... وملء غرور.. يا من ألملم عرقه وتضيّعني أنفاسه ودلع آهاته ... أخون إلا قلبي ويا ليت نفسي أمّارة بالسوء ليس إلا ويا ليتني روح مارقة أو رغبة طائشة لا أدري كم استعمرتني واستباحت لغتي قبلة قبلة .. توجّت عذابي ووثقت عهدي ... خطيئة خطيئة كتبت صلاتي وتعويذة قدري يا لوزة برّية و وجهاً يرتدي ألف قناع وقناع... يالوزة مُرّة ... أسرّ خيانة .. أنك برّية... وسواسن حسنك تطيب بينما أنزع خوفك رداء ... رداء... يالوزة وحيدة أكثر من قديس ... لا تخوني ... هنا مرت أناملي .. وكذب حياتي ... هنا تأملتُ خبث رغباتي ومشيتُ ... ألملم مواعيد خمرةَ غانيةٍ ليلة وحبيبة ليلة وليلة للوزةٍ برّية أخون إلا قلبي ولم يبق من الروح ما يكفي لأقول إني أخونك... ذنبي أني وثقتُ عهدك ولم يبق لي من شوق ما يكفي لأقول مللّتُ تعبتُ ... تعبتُ ... انتظارك.
أضف تعليقا
من سوريا
حبيبي جوزيف كيفك ؟؟
طولت الغيبة شو عجبتك القعدة بالشام مو .....
عموماً حمد لله عالسلامة .
سمعت عم تدور على بيت ما لقيت ؟؟؟
أنا برأيي تقوي قلبك وتروح معي على صيدنايا ، هنيك القعدة ببلاش .
وسمعت انو الكهربا ما بتنقطع أبداً هنيك
لأنو على علمك يعني المنطقة سياحية .
فكّر بالموضوع ...
بالنسبة للنص عجبني كتير ..
فيّو شي انساني ما بعرف كيف اوصفلك اياه ، بس حسيت فيه ولامس مشاعري .
حمد لله عالسلامة مرة تانية .
دمت بخير .
محمد سعيد
من سويسرا
كيفك جوزيف ,,
والله العظيم ليك فقد كبير قد الدنيا,,
كنت دوماً اسأل بينى وبينى اين اختفى جوزيف؟
الحمدلله اك بخير وطيب
نعود للنص الجميل
تبقى خيانة القلب من أصعب ما يكون
لذا نحن لسنا قادرين عليها..
هل رأيت قلباً يتلون عليه؟
كلماتك لها ذوق الحياة عندما تداهم اشياءنا فتحيلها حرف مورق لايمل
وان ملت قلوبنا انتظار الأجمل..
دمت بكل خير
تقديرى واحترامى
والف حمدلله على السلامة
حسن شلونك هالأيام ... الحقيقة انت خليتني اتسرع بنشر هالنثرية ...
لحتى ماتقلق عن جدّ ... انا اموري خربانة
بالأمور اللي يمكن صعب شرحها او توصيفها.. عشان هيك ممنون ياأخي لعاطفتك الكريمة...
محمد وين رايح يازلمة ... شو حبيبي ما حبيبي هاي ... والله بيفكرونا شذاذ آفاق وشغلات تانية .. حلوة هيك آخرتنا ...
ومشكور عالدعوة .. مشي الحال زمطنا واستأجرت بيت زغير ... يعني فيني اعزمك على كاسة شاي اذا كنت قريب ...
بس مابضمن الكهربا ...
words ازيك ... للحقيقة انا ما اختفيت ... بس كنت ... مشغول عليك مشغول مقدرش احكيلك ...
مافي شي مهم بس شوي الانترنت هون بتطفش اللي عمرو مايطفش ...
وانا مدري ليش صاير خلقي ضيق .. ماعم اعرف السبب هو البيت والا الكهرباء والا المواصلات والا الماء والا الهواء والا مثلا هالشعب .. اللي مالازم يفكر بتغيير بنطلونو .. لانو بيوجعه راسه ..
الله يوفقك انت لوين عم تجرجريني بالحكي ..
خلينا هلق بالخيانة .. على قد بساطك مد رجليك ...
من الأردن
مش معقول رجعت أخيراً..لولوليليشششش
من وين بتجيب الحكي انت يا صديقي..أخشى بعض بعضي..عم توصف أدق التفاصيل
مبروك البيت..وعقبال الكهربا
manal يخرب ذوقك لو عرفان انك رح تزلغطي .. كنت رجعت من زمان ... هاي غلبتيني فيها ... بس وينك مارح انسالك ياها .. اذا صار وحضرت عرسك ح ردللك ياها عش زلغيط ... منيح هيك ...
وبعدين ... شو مافي ثقة مبين ... كأنو عندك شك فيني .. منين بدي جيب هالحكي ياحزرك ... من شي وحدة ملعونة شيبت شعري وعمري ... منيح هيك وهي خليتيني اعترف بخيبتي ... اما أدق التفاصيل ف رح نخليها للجزء التاني من أخون الا قلبي ..
من سوريا
جوزف
كل سطر في المدونة عنوان وكل عنوان يفتح مئات الابواب وكل باب يؤدي الى سلسة انفاق من الكهوف الملونة بظلال خجولة كتلة أضواء
حقا إنك فارس يقتحم الزوايا المعتمة؟؟؟؟
اتمنى لك التوفيق
تقبل مودتي
ميساء
من هولندا
ولم يبقى من الشوق مايكفي لأقول مللت
تعبت تعبت ...أنتظارك
جوزيف أهلاً بك وبجديدك
قرأت من التعليقات مايكفي لأعرف أين
ولما أختفيت وطولت الغيبة
الشعر له أبواب
وأول ابوابه مايحدثه هذا الضجيج فينا
لك أن تكتب ولك أن تصور
ولاتقف يا جوزيف مع الأنتظار في ناصية واحدة
علّه يضيعك في رائه
مثلما أضاع الطرق علينا
لك كل الود جوزيف
لك الود
من المغرب
اخي جوزيف
هذه اول زيارة لي
لكني ما خبت ابدا
كلمات راقية الى حدود الجمال
ابدعت بحق
سلام
mayssa966 طبعا انا فارس مقدام عتيد صنديد افل الحديد ...بس يعني للصراحة ناقصني شي ترس وسيف وشوية عنفوان وكرامة وطبعا الحصان هذا شي مهم ... بدون حصان مابتكمل المشهدية الثورية في اضاءة الكهوف والزوايا التاريخية لبناء الأمة ...
ميسا طولي بالك علي شوي .. لسه مابتعرفيني انا باخد الكلام بجد فورا ...
لذا طابت اوقاتك بالسعادة ...
hjraan كيفك اليوم .. في سوء تفاهم بيناتنا .. انابسيط مش معقد ...
ودائما بحكيك بصراحة ... والله ...
خوفتيني باختيارك المقطع الأخير ... بعد في تتمة ...طولي بالك مش النهاية هيك ... بتعرفي ... يمكن انا مابعرف حالي اذا بقرأ شو بكتب .. يمكن بطلع شي واحد ملعون ... ياشباب لاتاخدو عني فكرة غلط.. طولي بالك ..
من البحرين
عزيزي الغالي جوزيف،
دائماً نقلق عليك متى تغيب..
وسعيدٌ أنا لأنني كنتُ أحد أسباب تلك العودة الرائعة..
دمت مُبدعاًً..
حسن
من فلسطين
أخيراً لقيت شقة :)
الحمد لله على السلامة .. و رمضان كريم ..
يا خسارة ما لحقتني بمود الرومانسية هي طقة عقل ما بتحصل غير مرة بالسنة ههههههه واضح إنك طفران بس معلش بتضل الشام غير حتى لو في مشكلة في الإنترنت ..
تعليقاً على أحد ردودك هلأ يعني نتوقع في الجزء التالي من القصيدة إنك راح تتراجع في بنية الجملة الأساسية في آخر بيت و تقول :
أخون قلبي عمري ..
أخون كل شيء
إلا أنت :)
كيف بهالنهاية هههههههه
من الأردن
العزيز المشاكس جوزيف
وينك يا راجل وحشتنا مشاكساتك
بس بجد نص جميل بستاهل عليه قبله على جبينك
تحياتي
doctorbob هلق انا مشاكس يازلمة ...
ماانت مقيم الدنيا ومقعدها ...بالمدونات والمشاغبات هيك وهيك ... والله العين عليك حمرا منيح ... يعني شوي تانية رح يحلقولك عالصفر ياصديقي ... بس ولا يهمك ...نحنا رجالك ...
sama77 كيفك ... لقيت شقة بس اجار يعني ... وحقك علي .. رح اراجع شو كاتبة بمدونتك واشوف هالرومنسية .. هو يعني الرومانسية حرام ... والا ايش ...
اما الجزء التاني .. بعدني عم فكر بالموضوع لسه ماكتبت شو رح اعمل ... ويمكن اخد بحكيك شو عليه ..اخون كل شيء الا انت ... بس مين هالأنت ..
طيب رح نشوف بعدين لنعرف البداية ...
من البحرين
أخ جوزيف
بداية أشكر لك زيارتك لغتنا.
كلماتك جميلة، تحل كالنسيم.
كن بخير
رباب أحمد
من فلسطين
"بوب كيفك .. رح اذكرك بأن سماهر مش بس افضل اساتذتها يساريين..
بدنات كمان تصارحنا عن افضل اصدقائها.. وبعدين اعدائها .. وبعدين
رح نعطيها فرصة ... بلكي بتعمل انقلاب
بتغيير فيه حياتها ..."
ما كنت متصورة إني مهمة لهالدرجة .. جد أنا حاسة غير بهالاهتمام .. بس لأني عارفة إنه الموضوع مش فضول ما راح أقول مين أفضل أصدقائي.. على أساس إنه واضح عندك افتراض قوي و ما بحب أخيب ظنك .. أما أعدائي فبأكد لك إنه أنا ما إلي أعداء في جيران.. أنا عدوي واحد ما في غيره و بيتهيأ لي بذكاءك الفريد وقراءتك ومتابعتك الملفتة لمدونتي المتواضعة راح تعرفه لحالك و لا أقول تعرفها (سوسو يا حلا) اللهم اخزيك يا شوشو هههههههه
مات بافاروتي !! صحيح أنا ما بسمع أغاني حالياً بس أيام الشباب كنت كتير أحب أغنية لبافاروتي و سيلين ديون بس أكيد ما بهديك إياها هههههههههه
بتتذكر مرة حكيتلك عن خيال اليافويات الغزويات؟؟ بيتهيألي إني ما كنت غلطانة :)
من الأردن
و وين الجزء التاني يا عمري؟؟ عم بستنى صارلي شهر..
من البحرين
عزيزي جوزيف ،
دائما ً حضورك ألقٌ
لذا عُد سريعا ولا تطيل غيابك
اشتقنا لك
حسن
رباب اهلين بوجودك حقك علي ...
لازم اقرأ بمدونتك اكتر ...
بس مدري ليش الانترنت بسوريا بتطفش ..
سماهر ... اشو ليش العصبية ؟؟
نحن لاننتمي لعالمين مختلفين ... صدّقيني ...
كل مافي الأمر ان اسلوب التعبير مختلف ...
وكذلك الروح ...
اقترح عليك ان تنوريني .. بعد ان افضت في شرح اليسار واليسارية بمدونتك .. حيث خلصت للتنصل من يساريتك تماشيا مع ليبرالية اسلامية وهذا شي جميل ...
لذا سأنتظر مقالة جديدة لتنوريني بمفهومك ل الآحر .. الذي قد يكون انا ..
وشكرا ...
MANAL شو هال المفاجأة ... من ايمت صرت عمرك وماني عرفان ... على الأقل غمزيلي .. خليني آخد فكرة عن الموضوع ...بعدين ليش ناطرة .. ما أنا سامحلك تكتبي الجزء التاني كيف مابدك .. ومتل مابتحبي ...
والحقيقة انو انا احيانا أو غالبا بكتب قصيدة ومابعرف كيف بدي خلصها ... يعني بكون متورط وما في مين ينجدني ...
وبجميع الأحوال انا رح أزور عمات بعد العيد اذا بتحبي بجبلك الجزء التاني وهو مسودة ... وانت تصرفي ...
حسن شكرا لزيارتك ...
انا هون .. بس عندي ازمة وجود ... حاسس اني غريب ... وما عندي فكرة ... عم اجرب ابحث عن نظرة جديدة ...
آمل ان اجدها في الجزء التاني ..
من فلسطين
جوزيف...
أنا مش معصبة لشو بدك تعصبني؟؟
بحب أؤكد لك إني بعمري ما كنت يسارية لحتى أتنصل من "يساريتي" أنا ما تعودت إني أتنصل من أي جزء مني لأنه كلي غالي عليي هاي باليافاوي على فكرة ههههههه و لا حتى من جزء من ماضيا لأنه الأساس إلي انبنى عليه حاضري الصلب جداً..
ويمكن إنت لمست إني ما بخاف أصرح بآرائي وتوجهات مهما كانت الظروف والتوقيت إلي أنا اخترت كتابة المقال فيه كتير كان حساس بجيران بس هذا ما منعني من الكتابة..
أما بخصوص "الآخر" الذي قد يكون "أنت"!!! فتأكد إني لما أكون جاهزة للكتابة عنه راح أكتب و كمان ما راح خاف .. معلش يا صديقي أنا بالعادة ما بكتب تحت الطلب لو كنت بدك رد كنت رديت بس إنت طلب مقال و أنا بقول بالشامي "مو تكرم عينيك" على عيني راح أكتب بس كل شي بوقته حلو :)
من مصر
عزيزى جوزيف أنت كعادتك شمس تسطع على جيران بحسها المرهف وكلماتها الجياشة ونحن نتعلم منك الأسلوب ونمشى على نهجك
دمت بصحة وعافية
من الأردن
يعني جيت على عمان وما زرتني..ولا جبتلي المسودة..
وفوق هاد بعدك مو مبين..
على فكرة اسمك روائي..جوزيف ميخائيل
أضف تعليقا
<<الصفحة الرئيسية
من البحرين
عزيزي جوزيف،
عودتك رائعة يا صديقي
وبقصيدة "نلهث" بقراءتها
تتطربنا تارة ، وتحكينا تارة أخرى
دمت بألف خير
ولك مني تحية مُزانة بإبداع وجمال
حسن